काठमाडौं । आफूलाई जय नारी भनेर चिनाउँने सावित्रा सुबेदी बेला–बेला चर्चामा आउने गर्छिन् । अहिले फेरि क्रिेकटर सन्दीप लामिछाने प्रकरणमा उनले सबैको गाली पाउनेगरी अभिव्यक्ति दिएकी छिन् ।
नाबालिक करणीको अभियोगमा अहिले सन्दीप प्रहरी हिरासतमा छन् । उनीमाथी प्रहरीले अनुशन्धान गरिरहेको छ । तर यही बेला जय नारीले उनले करणी गरेको ठोकुवा गरेकी छिन् ।यदि बाह्य दवावका आधारमा न्यायाधीशले उनलाई सफाई दिने फैसला गरे आफू अनसन बस्ने घोषणा समेत गरेकी छिन् ।
अहिले पीडित भनिएकी किशोरीलाई बाहिर निस्किन दिइएको छैन । बाहिरबाट आउनेहरुले पनि उनीसँग भेट्न पाउँदैनन् । उनलाई कलेज जान पनि अनुमति नदिइएको स्रोतले बतायो ।माइती नेपालभित्रै शिक्षकको प्रवन्ध गरेर पठनपाठन गराइएको स्रोतको दाबी छ ।
जुनेलीले माइती नेपालको कथित संरक्षणबाट बाहिर निस्किन चाहेकी छन् । तर, उनले बाहिर निस्केपछि बयान फेर्ने चिन्ताले गर्दा अनुराधा कोइरालाको नेतृत्वमा रहेको माइती नेपालले त्यो अनुमति नदिएको स्रोतले बतायो ।
साथै माइती नेपालका काउन्सिलरले उनलाई बयान नफेर्न निरन्तर काउन्सिलिङ र ब्रेनवास गरिरहेका छन् ।उनलाई आफ्नै बाबुलाई भेट्न र कुराकानी गर्न समेत प्रहरी अगाडि राखेर मात्र दिइएको छ । प्रहरी एकसाथ बसेपछि मात्र बाबुलाई आफ्नी छोरी भेट्न दिइएको थियो ।
यो कुराको पुष्टि स्वयं माइती नेपालकी अध्यक्ष कोइरालाले खुलाएकी छिन् ।के पल शाह प्रकरणमा जस्तै यसमा पनि अन्तत्वगत्वा जाहेरीकर्ताले बयान फेर्लिन् त ? स्रोतले त्यो सम्भावना नकार्न चाहेन ।‘यदि माइती नेपालको कब्जाबाट फुत्किइन् भने बयान फेर्न सक्ने सम्भावना बलियो छ’, स्रोतले भन्यो । त्यसैले उनलाई कब्जामा राखिएको अनुमान गरिन्छ ।
