विवाह अगाडी नै भुवन केसीको हनिमुन हिट, तस्वीर नै बाहिरिए !
काठमाडौं । विवाह अगाडी नै भुवन केसीको हनिमुन हिट भएको छ । तेस्रो विवाह गर्न लागेका केसीले हुनेवाली तेस्रो श्रीमतीसँग गरेको मस्ती भाइरल बनेको हो ।
तिहारअघि नै अमेरिका घुम्न निस्किएका चलचित्र विकास बोर्डका अध्यक्ष एवं अभिनेता भुवन केसी काठमाडौं फर्किंदैछन् । ग्लोबल फिल्म अवार्ड समारोहमा भाग लिन प्रेमिका जिया केसीलाई लिएर डेन्भर उडेका भुवन त्यहाँ झण्डै दुई साता रहे ।
नेपाली समुदाय, आफन्त र अमेरिकास्थित परिवारलाई भेट्ने काममा उनी व्यस्त रहे । भुवनको अमेरिका भ्रमण फिल्म अवार्ड र घुमघामभन्दा तेस्रो विवाह सम्बन्धी उनको एक अन्तर्वार्ताले चर्चामा आयो ।
जसको तरंग भारतमा रहेकी उनकी पूर्वपत्नी सुस्मितासम्म पुग्यो । सुस्मिताले यसबारे टिप्पणी समेत गरिसकेकी छन् । अमेरिकामा रहँदा भुवन र जिया घुमघाममा निकै रोमान्टिक पनि देखिए ।
युनिभर्सल स्टुडियो घुम्ने, गल्फ खेल्नेदेखि अन्य रोमान्टिक ठाउँ घुम्नेसम्मका तस्वीर देखिए । जियाले भुवनसँगका रोमान्टिक तस्वीर सार्वजनिक गरेकी छन् । तेस्रो विवाहको चर्चाबीच यो जोडीको चर्चा अहिले पुनः सुरु भएको छ । भुवनले त चाँडै गुड न्युज समेत आउने बताइसकेका छन् ।
कलाकार भुवन केसी र अभिनेत्री जिया केसीको सम्बन्ध अब गोप्य रहेन। लामो समयदेखि लिभिङ टुगेदरमा रहेका यी जोडी विवाहकै तयारीमा रहेको भुवनले नै खुलाइसके। अहिले यो जोडी अमेरिकामा छन्।
एक अवार्ड कार्यक्रममा सहभागी हुन भुवनसँगै जिया पनि अमेरिका पुगिन्। जहाँ–जहाँ भुवन पुग्छन् जिया पनि त्यही पुगिरहेकी छिन्। भुवनले आफ्नो सामाजिक सञ्जालबाट जियासँगका तस्बिर या भिडियो सेयर गरेका छैनन्।
तर जिया केसीले मौका छाडेकी छैनन्। उनी जहाँ भुवनसँग हुन्छिन् भिडियो बनाएर पोस्ट गरिहाल्छिन्। जियाको टिकटक हेर्ने हो भने भुवनसँग अमेरिका भ्रमणमा गरेका मस्तिका भिडियोले भरिएका छन्।
