लोक गायिका बबिता बानियाँ ‘जेरी’ श्रीमान् शंकर क्षेत्रीको पछिल्लो व्यवहारले उनले आफूलाई भन्दा पनि आफ्नो गायनको आम्दानीलाई प्रेम गरेको छर्लंग भएको बताएकी छन् । बिहीबार काठमाडौँ जिल्ला अदालतमा शंकर क्षेत्रीसँग औपचारिक रूपमा सम्बन्ध टुङ्ग्याएकी जेरीले डिभोर्स रहर नभएर बाध्यता भएको बताएकी थिइन् ।
धेरै अगाडिदेखि आफुहरुको सम्बन्धमा चिसोपन आए पनि छोरी लगायत विभिन्न कारणले सम्बन्ध जोगाउँदै आएको प्रष्ट्याउँदै उनले दशकौँ लगाएर बनाएको इज्जतमा श्रीमान् शंकरको पछिल्लो व्यवहारले दाग लागेको बताइन् ।‘मैले कमाएको पैसा श्रीमान् र उनको आमाको नाममा राख्नुपर्ने, उनीहरुको नाममा जग्गा जमिन किन्नुपर्ने वाध्यता थियो’ ।
उनले भनिन्, ‘श्रीमान्सँग संयुक्त हुन्छ भने राख्छु, दोस्रो व्यक्ति सासुसुरासँग राख्दिन भन्दा डिसकस सधैँ डिसकस हुन्थ्यो ।’ आफूले कमाएको पैसा श्रीमान् र श्रीमान्का परिवारले नपाएर नै आफ्नो सम्बन्ध डिभोर्सको स्थितिमा पुगेको जेरीले खुलाइन् काठमाडौँ जिल्ला अदालतमा आधिकारिक डिभोर्सको केही क्षण अगाडि एक अनलाइन टिभीसँग कुरा गर्दै उनले श्रीमान् शंकरसँग डिभोर्स गर्नुको सबै कारण समेत खोलेकी छन् ।
आफ््नो डिभोर्सको कारण श्रीमान्को चरित्रमाथि उठ्ने प्रश्न पनि एक भएको बताएकी उनले सेलिब्रेटी भएको कारणले सबैसँग बोल्नु, मिल्नु र हाँसखेल गर्नु आफ्नो बाध्यता भएको सुनाइन् ।‘मलाई चरित्रसँग जोडेर मानसिक टर्चर समेत गर्नुहुन्थ्यो । ‘काम पर्ने सबै साथीहरुसँग जोडेर झुटो आरोप लगाउनुहुन्थ्यो ’ जेरीले अगाडि थपिन् ‘त्यो किन र केका लागि मैले अहिले बुझ्दैछु ।’
करिब ७ वर्ष प्रेम र वैवाहिक जीवन टुङ्ग्याएकी जेरीले डिभोर्सको दिन जीवनकै खराब दिनको रूपमा लिएको बताइन् । ‘अहिलेको सम्बन्ध टुङ्गिए पनि नयाँ आस र बाच्ने आधारको दिन पनि सुरु हुन्छ’ उनले रुँदै थपिन् ‘सँगै रहेर पनि मेरी छोरीले कहिल्यै बाबाको माया पाएकी छैन ।
मिडियाले पनि बाबालाई नछुटाउन भन्नु भएको छ । तर, श्रीमान्ले अहिलेसम्म एकजोर कपडा पनि किनिदिएको छैन ।’ दुःख सुख गरेर पनि छोरीको सबै चाहना आफूले पुरा गर्ने उनले सुनाइन् । छोरीको लालनपालन शंकरले हेर्ने तर उमेर नपुग्दासम्म आमासँगै राख्ने सहमति दुई जनाबीच भएको छ ।
करिब ५ वर्षको प्रेमलाई विवाहमा परिणत गरेका जेरी र शंकरको एक छोरी छिन् । जेरी गोर्खाकी हुन् भने शंकर नेपालगन्जका हुन् । लोकदोहोरी गायनका सिलसिलामा भेटेका उनीहरुबीच गायनकै सिलसिलमा प्रेम बसेको थियो ।यसैबीच जेरिको सम्बन्ध बिछोड पछी एक भिडियो शेयर गर्दै नायिका पुजा शर्माले एक स्टाटस लेख्दै जेरिलाई सान्तवना दिएकी छिन ।
उनले जेरिलाई कहिल्यै हिम्मत नहार्नु भन्दै भनेकी छन् -”बाबा बिनाको जिन्दगि के हो भनेर मैले बुझेको छु । जेरी दिदि तपाई जस्तो कठोर र सहासी महिला त्यसै रुदैन ।यति ठुलो पिडा लुकाएर पनि हास्ने मान्छे कमै हुन्छ ।आज बल्ल थाह भयो हजुरको पिडा र बास्तबिकता ,बाबा बिनाको छोरीको भोगाई मैले पनि भोगेको हुदा हजुरको छोरीको याद आयो ।
म ढुक्क छु नानि झन् संघर्ष गरेर ठुलो मान्छे हुने छिन एक दिन ,आज मलाइ मेरी आमा संसारकै महान लाग्छ ।अनि तपाई जस्ती आमा संसारकै महान हुनुहुन्छ ।छोरीकी लागि भए पनि हजुरले हिम्मत हार्नु हुने छैन । बाँकी जीवनको शुभकामना जेरी दिदि ।”
